Ang Unang Pahina

Tumatakbong oras, kay bagal

Tila trapik sa EDSA, kay tagal;

Unang araw sa trabaho

Alaalang di maglalaho;

Kinakabahan, natatakot ngunit lumalaban

Kailangan magbanat ng buto para sa pamilya’t at bayan;

Salamat Panginoon sa pagkakataong kumita

At magkasweldo hindi lamang sa gunita;

Ngayong araw ako ay ganap na tao

Nakakurbata kahit nagmumukhang gago;

Sapatos tilta salamin, lakad na may angas

Ito na siguro ang simula ng tagumpay na wagas;

Bukas ako’y muling babangon

Hangang dumating ang takdang panahon;

Na matapos ang dalawang taong kasunduan

At mga kakulangan tuluyang mapunan;

Ngayon kailangan ko ay pahinga

At di makakalimutan ang unang araw, unang pahina;